«Тиһэх чуораан» сценарийа
Музыка«Школьный вальс»
Үүммүт үтүө ,саҕаламмыт саҥа күнүнэн күндү оҕолор, ытыктабыллаах учууталлар, тапталлаах төрөппүттэр!
Күндүл халлаан күөнүттэн
Күнүн уотун күллэрэн,
Көҕөн куһун көтүтэн,
Күөрэгэйин көччүтэн,
Сүүрээн көмүс уутунан
Сөрүүкэтэ сууннаран,
Салгын мүөттээх сытынан
Сайаҕастык тыыннаран,
Дьэдьэн, отон угунан
Дьэрэкээнин тэлгэтэн,
Илгэ сайын барахсан
Илэ-чахчы кэлбитинэн, бука барыгытын сахалыы сайаҕастык эҕэрдэлээтэхпит
буолуохтун!
Уостубат уйгуну уһансар,
Барҕа быйаҥы айсыһар,
Кыталык бэрдэ кыргыттар,
Хотой хоһууна уолаттар,
Чэйиҥ сиэттиһэн тахсыаҕыҥ,
Бэйэбит күндү күммүтүн
Атаара түмсэн ылыаҕыҥ!
Күндү доҕоттор! Дохсун ытыс тыаһынан доҕуһуоллаан көрсүөххэйиҥ , күндү оҕолорбутун, Боотулуу орто оскуолатын 2020 сыллаах 52-c выпуск үөрэнээччилэрин уонна кинилэр кылаастарын салайааччытын Наталья Гаврильевна Огочонованы. (музыка тыаһыыр, оҕолор киирэллэр)
Бу тураллар биьиги иннибитигэр бугунну үөрүү –көтүү буруйдаахтара, оскуоланы бүтэрээччи 2 ньургун уолаттар,6 кыталык кыргыттар. Кылаас олоҕуттан кыратык кэпсии түһэр буоллахха кылааска 8 оҕо үөрэнэр.
- Тобуллаҕас өйдөөх, олоххо активнай позициялаах, билиигэ – көрүүгэ тардыһыылаах кылаас. Араас хайысханан бэйэлэрин сайыннарар, инникигэ дьулуһар оҕолор. Ол курдук бааллар үөрэх бастыҥнара, улуустааҕы предметнэй олимпиадалар кыттыылаахтара, «Инникигэ хардыы» научнай – практическай конференция призердара кыайыылаахтара – Семенова Юлиана, Копылова Катя, Долгунов Гена, Долгунов Павел. «Дьулуур» оҕо тэрилтэтин активнай чилиэнэ – Васильева Ира, ... оройуон , регион,республика волейболга кыайыылаахтара Марианна Иванова, Алена Саввинова, Сиибиктэ Андреева, мас тардыһыытыгар, атах оонньуутугар, чэпчэки атлетикаҕа оройуон , регион,республика призердара – бырааттыы Павел, Геннадий Долгуновтар, Катя Копылова. художественнай самодеятельность активнай кыттыылаахтара «Алаас оҕолоро» үҥкүү ансаамбылын бастыҥ үҥкүүһүтэ Марианна Иванова, Регионнааҕы, республиканскай ырыа күрэхтэрин Кылаан чыпчааллара-Юлиана Семенова.Өссө төгүл эҕэрдэлээн биэриэххэйиҥ түмсүүлээх, эйэлээх, барыга бары дьоҕурдаах, инникигэ эрэллээхтик хардыылыыр 11 кылаас коллективын!
Күндү выпускниктар! Бүгүн кэтэһиилээх «Тиһэх чуораан» бырааһынньыгын күнэ. 11 сыл тухары эһиги 20 тыһыынчаттан тахса чуораан тыаһын истэн кэллигит. Сибэкки дьөрбөтө тутуурдаах аан бастаан оскуола боруогун атыллаан, маҥнайгы учууталгытын кытары бастакы уруокка үөрэнэ барбыккытыттан саҕалаан, 45 мүнүүтэлээх сөбүлүүр уруоккутуттан эмискэ быһан эбэтэр кэтэһиилээх каникулгутугар ыҥыран, араастык лыҥкыныы тыаһаатаҕа. Оттон бүгүҥҥү чуораан олох атын, тиһэх оскуолатааҕы чуораан Кини эһиги оҕо сааскытын уонна инники олоххутун ситимниир суолталаах. Хас биирдиигитигэр эргиллибэт күндү өйдөбүл буолан, көмүс чуораанынан чугдаара лыҥкынаан, оонньуу-көр аргыстаах оскуолатааҕы, оҕо эрдэҕинээҕи сылларгытын санатан ааһыа.
Эһиэхэ, күндү выпускниктарга бэйэтин эҕэрдэтин тиэрдэр оскуола директора Александр Алексеевич Васильев.
Оҕо саас чуораана оргуйа чугдаарда,
Оскуола сылларын, олук кэм бэлиэтин
Бүтэһик чуораана бу бүгүн чугдаарыа.
Быраһаай оскуола уһун кэм устата,
Билиибит биһигэ, олохпут сирдьитэ.
бары учууталларга музыкальнай эҕэрдэтин тиэрдэр Марианна Иванова
Ийэлээх аҕаҕыт тапталын биһигэр
Иитиллэн, үөрэнэн, улаатан тахсаҥҥыт,
«Оскуола оҕото» ааттана сылдьыбыт
Ол кэрэ кэмнэри ахтыаххыт, саныаххыт.
Эҕэрдэ тылы ылар директоры үөрэх чааһыгар солбуйааччы Евдокия Петровна Васильева
Хайа баҕарар киһи маҥнайгы учууталын үйэтин-сааһын тухары умнубат.тыл киэнин амтаннааҕын талан ылан сылаастык ахтар-саныыр. 11 сыл анараа өттүгэр билии дойдутугар сиэтэн киллэрбит, ааҕарга-суруйарга, математика мындыр суоттарын суоттуурга үөрэппит, аналлаах айаҥҥыт аартыгын арыйбыт, туһааннаах суолгутун төрдүн булларбыт маҥнайгы учууталгыт Лидия Николаевна күндү үөрэнээччилэригэр ватсап нөҥүө эҕэрдэтин тиэрдибитин долгуйа,сэҥээрэ истиэҕиҥ.
(телефон холбуубут)
Маҥнайгы учууталыгар музыкальнай эҕэрдэтин тиэрдэр Катя Копылова
Дьиэтэҕи түбүккүн умнаҥҥын,
Бокуойа суох сүүрэлии сылдьаҥҥын,
Хас биирдии оҕону бүөбэйдээн,
Такайан, көрдөһөн, ардыгар ааттаһан
Кэскиллээх уһун суол тоҕойун көрдөрдүҥ
Эрэлиҥ эр санааҥ тулууруҥ
Уруйа улааттын эн, учуутал!
Үрүҥ күҥҥүт анныгар үүнүү-сайдыы суолугар
Үктэллэнэн тахсаҥҥыт үтүө дьоннор буолаарыҥ,
Айыллыбыт айылҕаҕыт айар-тутар аартыгар
Айыы дьоно буоларга арчылана сылдьаарыҥ,
Учууталгыт алгыһыгар угуттана сылдьаарыҥ.
Э5эрдэ тыл бэриллэр кылаас салайааччытыгар, Саха Республикатын үөрэҕириитин туйгунугар Наталья Гаврильевна Огочоноваҕа.
Күөх окко түһүөхпүтүттэн оҕолоон, улаатыннарбыт, сиртэн сэрбэйиэхпититтэн симээн –маанылаан көрбүт, ийэ ууһун тэниппит, аҕа ууһун барҕарыппыт, уол оҕонон уруйдаммыт, кыыс оҕонон айхалламмыт, илгэлээх иэримэ дьиэбит, ытык –мааны, күн санаалаах күндү дьонноро, биһиги күндү тереппүттэрбит буолаллар. Оҕолорун туһугар сынньаммакка түбүгүрэр, үөрэхтээх дьон оҥороору оскуолаҕа атаарар ийэлэрбит, аҕаларбыт өрүү биһиги аттыбытыгар баар буолуҥ диэн туран эҕэрдэ тылы биэрэбит биһиги төрөппүттэрбитигэр
Музыкальнай эҕэрдэтин тиэрдэр Юлиана Семенова
Билиигэ угуйар
Эрэллээх сирдьиппит,
Күн кэрэ киһибит-
Учуутал, Эйиэхэ
Үөрэтэр үтүөҕэр,
Муударай сүбэҕэр
Махтанан тураммыт,
Истиҥ тыл кэрэтин
Сүрэхпит мичээрин
Аныыбыт Эһиэхэ!
Харда тылы биэрэбит биһиги выпускниктабытыгар
Эҕэрдэ тылы этэр Юлиана Семенова
(Хоһоон, ырыа, подарок туттарыы)
Үрдүккэ угуйар кыһабыт
Абылыыр ыччаппыт сүрэҕин
Ол туоһута эн эбиккин
Убаастыыр учуутал доҕорбут!
Үөрэтэр, такайар идэҕэр
Күн аайы тиэтэйэ сүүрэҕин,
Саҥаны, элбэҕи иҥэрэн
Ол онтон астынар сүрэҕиҥ.
Махтал буоллун эйиэхэ,
Маанылыыр учуутал доҕорбут!
Үрдүккэ, сырдыкка сирдьиппит
Үтүөкэн учуутал доҕорбут!
Үрүҥ күн үөһэттэн угуттаан,
Үөрүүнү-көтүүнү бэлэхтээн,
Сардаҥа уотунан ыһыахтаан,
Саас кэрэ кэмнэрин эргитэн
Быраһаай эриэккэс дорҕооммут,
Бүтэһик чугдаарар чуорааммыт. (Чуораан тыаһаталлар иккилии буолан)
Оҕо саас үтүмэн айдаана,
Оскуола сыллара, оонньуута,
Олоххо айаммыт суолдьута,
Олук суол охтубат тускула
Быраһаай эриэккэс дорҕооммут
Бүтэһик чугдаарар чуорааммыт.
Быраһаай оҕо саас дьиктитэ,
Бүгүҥҥү түмсүүбүт бэлиэтэ,
Барҕалаах олоҕу тутаарыҥ,
Баһыыба бар дьонтон ылаарыҥ
Быраһаай оҕо саас дьиктитэ,
Бүтэһик чугдаарар чуорааммыт.
Алтан чуораан чугдааран,
Аастылар үөрэммит сылларгыт,
Бүтэһик чуораанынанлыҥкынаан
Бүттүлэр оҕо саас кэмнэргит.
Өйгүтүн чочуйан,сытыылаан,
Экзамен эриирин туораарыҥ
Үөрэҕи, үлэни таптааҥҥыт
Дьон үтүөтэ буолаарыҥ,
Үрдүккэ, кэрэҕэ дьулуһан,
Биллэ илик суоллары арыйыҥ,
Кэнэҕэс оскуола кыһаҕыт
Киэн тутта ааккытын ааттаатын! диэн туранвыпускниктарбыт төрөппүттэрэ оҕолоругар уонна оскуола бары үлэһиттэригэр анаабыт минньигэс тортарын киллэрэллэригэр көрдөһүөҕүҥ.
Манан бүгүҥҥү бырааһынньык түмүктэнэр, бука барыгытыгар дьолу, доруобуйаны, кэрэттэн кэрэни, сырдыктан сырдыгы, ситиһиини, табыллыыны баҕарабыт.
5
