Ахсаан дьарыгын кэнспиэгэ.
Тиэмэ: Геометрическай быһыылар. Хайысхаҕа үлэ. Түөрткэ диэри ааҕыы. (Орто бөлөх)
Сыала:Оҕолору 4-кэ диэри ааҕарга, хайысханы быһаарарга, геометрическай быһыылары буларга үөрэтии, чиҥэтии. Түргэн, сымса буолалларын сайыннарыы.
Тутуллар матырыйаал: улахан 1, 2, 3, 4 өҥнөөх сыыппаралар, араас сыыппаралар уонна ахсаан суотугар матырыйаал. Магнитнай дуоскаҕа сыстар араас өҥнөөх уонна кээмэйдээх геометрическай быһыылар (төгүрүк, түөрт муннук, үс муннук). 4 тас мал (холобур: 4 оонньуур, 4 кубик). Муусука (сынньалаҥ кэмҥэ).
Дьарык хаамыыта:
Тэрээһин чааһа.
– Бүгүн биһиги олус интэриэһинэй айаны оҥоруохпут – сыыппаралар уонна геометриччческай быһыылар дойдуларыгар ыалдьыттыахпыт. Онно айанныырга, бары бэлэммит дуо?
Оонньуу «Тарбахтарбытын ааҕыаҕыҥ!».
Оҕолору кытта тарбахтарын ааҕабыт, биирдии-биирдии үрдэтэр, төрткэ диэри.
– Олус үчүгэй! Билигин бары бэлэммит!
Сүрүн чааһа.
«Түөрткэ диэри ааҕыы»:
1, 2, 3, 4 диэн сыыппаралары көрдөрөбүн.
– Бу хас сыыппараный? Ааҕыаҕыҥ эрэ: биир, икки, үс, түөрт.
Оонньуу «Оонньуурдары наардаа».
Оҕолорго 4 оонньууру тарҕатабыыын.
– Ким миэхэ 2 оонньууру көрдөрөр? Оттон 4 оонньууру? Үһү? Биири?
Оонньуу «Хайа миэстэҕэ турарый?».
Остуолга 4 оонньууру уурабын. Оҕолортон ыйытабын:
– Үһүс миэстэҕэ ханнык оонньуур турарый?Бастакы миэстэҕэ?
«Геометрическай фигуралар дойдулара»:
Дуоскаҕа геометрическай быһыылары ыйыыбын (төгүрүк, түөрт муннук, үс муннук).
– Көрүҥ эрэ, дуосккаҕа хас араас фигура баарый? Ааттаталааҥ.
Хамсаныылаах оонньуу «Быһыылары дьиэлэрэ».
– Билигин оонньуохпут. Эһиэхэ төгүрүк, түөрт муннук уонна үс муннук быһыылары биэрэбин.
Муостаҕа обручтарга, төгүрүк, түөрт муннук, үс муннук ойууларын уурабын.
– Музыка тыаһаатаҕына сүүрэкэлиигит. Музыка тохтоотоҕуна төгүрүктэр бары төгүрүк дьиэҕэ, түөрт муннуктар түөрт муннук дьиэҕэ, үс муннуктар үс муннук дьиэҕэ киирэҕит.
– Хас оҕо төгүрүк дьиэҕэ баарый? Оттон үс муннук дьиэҕэ? Түөрт муннук дьиэҕэ?
Хайысхаҕа үлэ:
– Аны билигин оонньуурдар миэстэлэрин булларыахпыт. Остуол оротугар матрешканы ууруҥ. Матрешка уҥа өттүгэр кубик ууруҥ. Матрешка хаҥас өттүгэр чааскыны ууруҥ.
Массыыналары кырааскалааҥ.
– Иккис массыынаны от күөх өҥнөөҕүнэн кырааскалааҥ, от күөх масыынаттан хаҥас турар массыынаны кыһыл өҥүнэн кырааскалааҥ, онтон күөх масыынаттан уҥа турар масыынаны халлаан күөх өҥүнэн кырааскалааҥ.
Түмүк чааһа.
– Оҕолоор, бүгүн ханнык дойдуга сырыттыбытый?
– Тугу үөрэттибитий?
– Ханнык геометрическай быһыылары хатылаатыбыт?
– Уҥа илиигитин көрдөрүҥ эрэ, онтон хаҥас илиигитин.
– Бүгүн бары үчүгэйдик үлэлээтигит! Маладьыастар!
