Тиэмэ: «Сэттэҕэ тиийэ наардаан ааҕыы. 7 араас үрдүктээх предметтэри тэҥнээһин» (улахан бөлөх)
Сыала:Оҕолору 7 уонна 8 диэн чыыһылалар састааптарын кытта билиһиннэрии. 7 сыыппараны, чыыһыланы кытта билиһиннэрии. Үс, түөрт муннуктары билиилэрин бөҕөргөтүү. Нэдиэлэ күннэрин хатылааһын. 8 иһинэн наардаан ааҕарга үөрэтиини салҕааһын. «Хаһый?»,«Хаһыс турарый?», «Хаһыс миэстэҕэ?» диэн ыйытыыларга сөпкө хоруйдуурга салгыы үөрэтии.
Туттуллар матырыйаал: улахан өҥнөөх 7 сыыппара, кассаҕа баар араас сыыппаралар. Араас үрдүктээх 7 сибэкки, 7 мас, 7 дьиэ ойуута, 7 кубик араас үрдүктээх, 7 палочка. Үс муннук, түөрт муннук, төгүрүк. Презентация «7 сыыппара», «Нэдиэлэ күннэрэ». «Быһа тардыы» оонньууга анаан 7 оҕону талыы.
Дьарык хаамыыта:
Тэрээһин чааһа.
– Оҕолор, биһиги күн аайы саҥаны билэбит, үөрэнэбит, дии? Бүгүн биһиги эмиэ олус интэриэһинэй дьарыктакнцыахпыт диэн бэйэ-бэйэбитигэр мичээрдэ бэлэхт эһиэххэ.
– Бастаан, ааҕарга бэлэмнэниэххэ эрэ. Оонньуубут аата «Тарбахтарбытын ааҕыаҕыҥ!». Оҕолору кытта тарбахтарын ааҕабыт, биирдии-биирдии үрдэтэр. 1-тэн 7-ҕэ диэри.
– Олус үчүгэй! Дьарыкка бэлэммит.
Сүрүн чааһа.
7 чыыһыла уонна 7 сыыппара.
– Оҕолоор, көрүҥ эрэ, бу туох сыыппаратай? (7 сыыппараны көрдөрөбүн).
– Бу 7 сыыппара. Кылгас моонньоох, уһун атахтаах.
– Оҕолор, 7 сыыппаранф салгыҥҥа тарбаххытынан суруйуҥ эрэ.
Дидактическай оонньуу «Ким хаһы уурда?».
Оҕолорго счетнай палочкалар, кубиктар бэриллэллэр.
– 7 кубигы иннигитигэр уураҕыт.
Оҕолор 7 кубигы ылан уураллар.
– 7 счетнай паолчканы иннигитигэр уураҕыт.
Оҕолор 7 счетнай палочканы ылан уураллар.
7 чыыһыла састааба:
7 предмети (холобур, 7 сибэккини) көрдөрөбүн.
– Хас сибэкки баарый? (Сэттэ).
– Сэттэни хайдах таһарыахха сөбүй? Холобур: "Биир сибэккини туспа ылыахха, онтон хаһа хаалла? (6). Оччоҕуна 1 уонна 6 бииргэхолбоотохпутуна7 буолар эбит.
7 иһинэн араас холбоһууларынан оҥоруу: 2 уонна 5, 3 уонна 4.
Араас үрдүктээх предметтэри тэҥнээһин:
7 араас үрдүктээх предметтэри кэккэлэтэ уурар (холобур, 7 араас уһуннаах мастар).
– Хас мас баарый? Бары бииргэ ааҕыаҕыҥ: 1, 2, 3, 4, 5, 6, 7. Сэттэмас баар эбит.
– Көрүҥ эрэ, мастар бары биир тэҥ үрдүктээхтэр дуо? Суох! Хайдах дьүһүннээхмассаамай үрдүгэй? Хайдах өҥнөөх мас саамай намыһаҕый?"
Оҕолорго сорудах:
– Саамай намыһах мастан саҕалаан, саамай үрдүк маска дылы сааһылаан ууруҥ.
– Билигин ааҕыаҕыҥ, саамай үрдүк мас хаһыс турарый?(Сэттис).
– Саамай намыһах хаһыс турарый? (Бастакы)."
– Хайдахөҥнөөх мас үһүс миэстэҕэ турарый? ().
Геометрическай фигуралар:
Үс муннук уонна түөрт муннук ойууларын көрдөрөбүн.
– Буханнык фигураларый? Хас муннуктаахтарый? (Үс муннук, түөрт муннук).
– 3 ааҕар мастан үс муннук, 4 ааҕар мастан түөрт муннук тутаҕыт.
– 3 муннугу уонна 4 муннугу хастыы ааҕар мастан туттугут?
Нэдиэлэ күннэрэ:
– Күн ахсын улаатабыт, саҥаны билэбит. Онтон нэдиэлэҕэ хас күн баарый? (Сэттэ!)
– Ааттыаҕыҥ эрэ нэдиэлэ күннэрин.
– Аан күн, Ханыы күн, Орто күн, Чэбэр күн, Чөл күн, Сүбэ күн, Өрөбүл күн.
– Бүгүн ханнык күнүй? Сэттис күн ханныгый?" (Оҕолор хоруйдууллар).
Түмүк чааһа.
– Оҕолоор, бүгүн ханнык чыыһыланы үөрэттибитий?"
– 7 сыыппара хайдах сурулларын? Салгыҥҥа суруйан көрүҥ эрэ
– Нэдиэлэҕэ хас күн баарый?
– Туохтар үрдүктэрин тэҥнээн көрдүбүтүй?"
– Бүгүн бары үчүгэйдик үлэлээтигит, көхтөөхтүк кытынныгыт! Олус элбэҕи биллигит! Махтал эһиэхэ!
