Миңһн йисн зун дөчн һурвдгч җилд бар сарин хөрн нәәмнд цуг хальмгудиг киитн Сиврүр дегц туусмн. Өрүн зурһан часла салдснр бууһан үүрсн хальмгудин гер болһнд орҗ ирсмн. Хөрн-һучн минут өгсмн. Шиңкән серсн хальмгуд сүрдсмн. Цуг хальмгудиг машинд суулһад, авад һарсмн. Залу улс уга бәәсмн. Тедн цуһар дәәнд Төрскән харсҗ йовсмн. Герт медәтә улс, күүкд улс, бичкдүд уульлдад, һарад йовсмн. Гертән бәәсн юман күцц авч чадсмн биш. Дәкәд хальмгудиг товарн вагонд суулһад, авад йовсмн. Вагон болһн хуучн, хамхрха, заагта бәәҗ. Дулан һазрт бәәсн хальмгуд зууран икәр даарна, көрнә. Дала әмтн даарад, өлсәд үксмн. Хальмгуд хааалһдан арвн һурвн өдр йовсмн. Балһсн болһнд тараһад, буулһад хаяд йовсмн. Дәкәд тер балһснаснь арвад өркәр селәнүр тарасмн. Түрүн хойр-һурвн җилд эндәс одсн хальмгудас өрәлнь үкҗ одсмн. Үлдснь татад-мааҗад, көдлмшт орад, зәрмнь һууль һууһад, гесән теҗәдг болсмн. Хальмгуд тер бийнь цуһар үксн уга. Сииврт хальмгуд арвн һурвн җил арвн һурвн өдр бәәсмн. Миңһн йисн зун тәвн доладгч җил төрскн теегүрн хәрҗ ирсмн. Әмд үлдснь хәрү теегүрн ирәд, теегән үзәд, шинәс төрсн мет, чидл авад, үрн-садан һарһад төвкнсмн.
.png)
