Беларускія гульні для дзяцей.
1.Гульня “Маша”
Задача: развіваць слых, выклікаць добрыя пачуцці.
Апісанне гульні.Дарослы расказвае:
Ёсць у нас дзяўчынка Маша,
І ёсць у нас хлопчык Саша,
Яны хочуць пагуляць:
Хто пакліча- адгадаць.
Дзяўчынцы або хлопчыку завязваюць вочы хусткай.
Дзеці, трымаючыся за рукі, ідуць па крузе і спяваюць:
Маша, Маша,
Ты пацеша наша.
Адгадай, хто пяе,
Імя тваё назаве.
Хто-небудзь адзін з дзяцей прапявае: “МА-ША”.
“Маша “, якая стаіць у сярэдзіне круга, павінна адгадаць, хто спяваў.Калі адгадае, той, хто спяваў, становіцца “Машай”.Калі гэта хлопчык, то дзеці спяваюць “ Саша”.
2.Гульня “Грушка”
Задача:выклікаць радасны настрой, развіваць творчыя здольнасці ў імправізацыі рухаў.
Апісанне гульні.Дзеці выбіраюць “грушку”, якая павінна стаяць у сярэдзіне круга.
Дзеці ідуць карагодам вакол яе і спяваюць:
Мы пасадзім грушку ўсе,усе,
Няхай наша грушка расце, расце.
Вырасці ты, грушка, вось такой вышыні,
Распусціся, грушка, вось такой шырыні.
Расці, расці, грушка, ды у добры час,
Маленькая Танька, паскачы для нас.
А ужо наша грушка распусцілася,
Маленькая Танька зажурылася.
А мы тую грушку усе шчыпаць будзем,
Ад маленькай Танькі уцякаць будзем.
“Грушка “ павінна танцаваць, кружыцца,скакаць, рабіць усё тое, пра што пяюць дзеці.На словы “шчыпаць будзем” набліжаюцца да грушкі, як бы жадаючы ўшчыпнуць яе, а тая пачынае лавіць дзяцей.Каго “грушка” зловіць, таго ставіць у круг на сваё месца.
