( Зурлар төркемендә актив ял сәгате )
Тема:” Без – спорт яратабыз! “
Максат: Балаларның физик сәламәтлекләрен ныгыту, хәрәкәт күнекмәләрен үстерү.
Уен вакытында балаларның җитезлекләрен, игътибарлылыкларын булдыру.
Физик тәрбия шөгыленә карата мәхәббәт хисе тәрбияләү, сәламәт яшәү рәвеше алып бару теләге тудыру.
Җиһазлау:кубиклар,дугалар,кыршау,туп,көнбагыш таҗлары(төсле кәгазьдән)
Барышы.
Балалар ике рәткә басып,музыка астында залга керәләр һәм бер-берсенә карап ике шеренгага тезеләләр.
Тәрбияче: Тагын бер кат исәнмесез,балалар,
Шатлык күңелегездә,
Ал кояш күгебездә,
Килегез,дуслар,килегез,
Спорт бәйрәме бездә.
Без сезнең белән бүген спорт уеннары уйнап алырбыз.
Командалар бер-берсе белән исәнләшә.
“Бөркетләр” командасы:
Без,бөркетләр – менә дигәннәр,
Үзебез шук,көчле,
Җитез һәм акыллы.
Шаккаттырырбыз әле сезне.
“Ак барслар”командасы:
Ак барслар – бик көчле,
Ак барслар – бик акыллы.
Бердәм булганда,
Без һәрвакыт алда!
Тәрбияче: Ярышыбызны башлыйбыз !
1 нче уен: “Көнбагыш җыю”
Старт сызыгында - көнбагыш таҗлары,3 м ераклыкта көнбагышның үзәге ята.Һәр бала,чират-лап,берәр таҗны ала һәм кыршаудан кыршауга сикереп,көнбагыш үзәгенә кадәр килеп җитә һәм үзәк тирәли таҗны куя.Кире йөгереп кенә кайта.Кайсы команда биремне тизрәк үтәп бете-рә,шул җиңүче.
2 нче уен:”Йорт төзү”.
Бала бер зур шакмакны(кубик) ала һәм икенче башка китереп куя.Икенче бала икенче шакмак-ны илтеп куя.Шулай итеп йорт төзиләр.Тизрәк тәмамлаган команда җиңүче.
3 нче уен:”Дуслашабыз”
2 бала уч төпләрен бер-берсенә куеп,кызу-кызу,түгәрәкне әйләнеп чыгалар , кире кайтканда җитәкләнешеп йөгереп кайталар.
Җыр: “Яшьспортчы”. (Р.Вәлиева шигыре)
4 нче уен:”Кем беренче?”
Балалар дугалар астыннан шуышып чыгалар, кыршау эчендәге берәр шакмакны алалар һәм кирегә йөгереп кайталар.Җиңүче команда билгеләнә.
5 нче уен:”Кем җитез?”
Балалар тупны таяк белән тәгәрәтеп алып баралар, түгәрәкне әйләнеп чыгалар, тупны тәгәрәтеп алып кайталар. Кайсы команда беренче килеп җитә, шул команда җиңүче.
Күмәк татар халык биюен башкару.
Тәрбияче: Командаларыбыз өчен соңгы уеныбызны тәкъдим итәбез. Исеме «Җитез күбәләк кортлары» дип атала. Күз алдына китердегезме (гусеница, шуышып йөрүче кортларны)?
Бирем : командалар бер - бер артлы үз урыннарына басалар. Кулларны җилкәләргә куябыз, чүгәлибез һәм куелган уенчыкларны аудармыйча гына, билгеләнгән урынга барабыз ;шул рәвешле кире әйләнеп кайтабыз , старт сызыгыннан барыбыз да чыгып беткәч кенә басабыз. Кем бирелгән биремне төгәл үти, шул команда җиңүче. Кулларны ычкындырмаска, әйберләрне аудармаска әзерме? Башладык.
Урыннар билгеләү.
Тәрбияче:
Иң матур көн - бүгенге көн,
Иң яхшы җир — син яшәгән төбәк,
Иң яхшы ил - рухи канәгатьлек биргән ил!
Иң зур байлык - сәламәтлек.
.png)
