Урокть темац: | смузень коряс наречиятнень явомасна | ||||||
Урокть целенза: | Обучающайхне: максомс шарьхкодема наречиятнень разрядснонды, тонафтомс шабатнень наречиятнень смузень коряс явома; Развивающайсь: тонафтомс шабатнень мушендомс эрявикс разрядонь наречиятнень текстста; Воспитательнайхне: касфтомс шабатнень логическяй мышленияснон, корхтама маштомаснон; касфтомс шабатнень кельгомаснон мокшень кяльти. | ||||||
Метоттне: | словеснай (материалонь устнай изложениянь методсь: учительть валоц, беседань методсь, кизефтемань методсь); нагляднай (доскать, учебникть, таблицать, карточкатнень мархта покодемась); практическяй (од материалть кемокстаманц лангс упражнениянь тиемась). | ||||||
Оборудованиясь: | доскась, учебниксь (Келин М.А. Мокшень кяль 7: Мокшень школань сисемце классонди учебник / М.А. Келин. – Саранск: Мордов. кн. изд-во, 2002. – 200 с. – Мордов.-мокша яз.), таблицась, карточкатне | ||||||
Урокть типоц: | Комбинированнай (од темань азондомань урок) | ||||||
УРОКТЬ ПЛАНОЦ I. Организационнай моментсь - 1 мин. II. Кудонь тевть проверямац - 8 мин. III. Од материалть азондомац - 10 мин. IV. Од материалть кемокстамац - 15 мин. V. Урокть коряс выводонь тиемась - 3 мин. VI. Кудонь тевть максомац - 2 мин. VII. Оценкань путомась - 1 мин. | |||||||
УРОКТЬ МОЛЕМАЦ I. Организационнай моментсь | |||||||
Тонафтысь: | - Шумбратада, шабат! Озада. Кие тячи аш класса? | ||||||
Тонафнись: | - Тячи классот сембе. | ||||||
Тонафтысь: | - Ушедсаськ уроконьконь. | ||||||
II. Кудонь тевть проверямац | |||||||
Тонафтысь: | - Мезе ульсь максф куду? | ||||||
Тонафнись: | - Кудонь тевсь – 196-це упражнениясь. | ||||||
Тонафтысь: | - Мезе эрявсь тиемс упражнениять мархта? | ||||||
Тонафнись: | - Морафтость валрисьмотнень, эздост кочкасть наречиятнень и сёрмадость синь марса ся валхнень мархта, конатнень мархта сотфт. Наречиятнень мельгя скобкаса тяштесть кизефкснень, конатненди синь отвечайхть. | ||||||
Тонафтысь: | - Кие лувсы тейнек кудонь тевть? | ||||||
Тонафнихне: | Отвечайхть. | ||||||
III. Од материалть азондомац | |||||||
Тонафтысь: | Шабат, тяни минь сёрматтама аф оцю выборочнай диктант. Мон луван тейнть валхть, а тинь сёрмадсасть аньцек наречиятнень. Сермадость тетрадезонтт тячиень числать. Кие моли доскати? Пизем, самс, сёксенда, лов, якстерь, лац, исяк, тонафнемс, мазы, вишкста, мастор, шить, веле, кайгиста, куд, фталу, оцю. Кодама валхт тинь сёрмадоде? | ||||||
Тонафнихне: | Сёксенда, лац, исяк, вишкста, шить, кайгиста, фталу. | ||||||
Тонафтысь: | Пяк лац. А тяни минь ётатама од темати «Смузень коряс наречиятнень явомасна». Ваттама таблицать лангс. Эсь смузьснон коряс наречиятне явондовихть тяфтама разрядга.
|
| ||||||||||||
IV. Од материалть кемокстамац | ||||||||||||
Тонафтысь: | Шабат, а тяни ваттама доскать лангс. Тяса минь няйхтяма вете кутт, эрь кудть сонцень адресоц: Действиянь образонь ульцясь - 1, Мерань и степенень ульцясь - 2, Пингонь ульцясь - 3, Вастонь ульцясь - 4, Целень и туфталонь ульцясь - 5. Тейнек эряви лездомс наречиятненди пачкодемс куду: Кальдявста, сяс, коста-бди, колмоксть, сёксенда, исяк, кайгиста, ветецеда, тяса, сянкса. | |||||||||||
Тонафнихне: | Васенце куднясь: кальдявста, кайгиста Омбоце куднясь: колмоксть, ветецеда Колмоце куднясь: сёксенда, исяк Нилеце куднясь: тяса, коста-бди Ветеце куднясь: сянкса, сяс | |||||||||||
Тонафтысь: | Пяк лац. А тяни мусаськ 199-це упражнениять. Морафтость максф наречиятнень, кочкасть эздост действиянь образоннетнень и сёрмадость марса тейст ладяй вал мархта валзюлмоса. Васенда, валомня, инголи, мельцек, кизонда, ичкозе, илять, маласа, кунара, вишкста, кемоста, фтала, кой-коса, станя, тнярс, меки, тоза, мзярда. | |||||||||||
Тонафнись: | Валомня - молемс валомня, мельцек - сувамс мельцек, вишкста - ардомс вишкста, кемоста - сотомс кемоста. | |||||||||||
Тонафтысь: | Виде. Тяни тисаськ 202-це упражнениять. Кочкасть и сёрмадость наречиятнень кафтонь, конат смузень коряс ащихть карань-каршек. Вишкса, ичкозе, цебярьста, фтала, инголи, веть, валом, стакаста, ичкозде, маласа, инголе, фталу, тов, тяса, кальдявста, тёждяста, шить, маласта, сей, тоса. | |||||||||||
Тонафнись: | Вишкста-валом, ичкозе-маласа, цебярьста-кальдявста, фтала-инголе, инголи-фталу, веть-шить, стакаста-тёждяста, ичкозде-маласта, тов-сей, тяса-тоса. | |||||||||||
Тонафтысь: | Пяк лац. | |||||||||||
V. Урокть коряс выводонь тиемась | ||||||||||||
Тонафтысь: | Шабат, мезе од кармаде содама уроконьконь эзда? | |||||||||||
Тонафнись: | Смузень коряс наречиятне явовихть вете разрядга: действиянь образонь, мерань и степенень. вастонь, пингонь, целень и туфталонь. | |||||||||||
VI. Кудонь тевть максомац | ||||||||||||
Тонафтысь: | Шабат, сермадость кудонь тевть: тиемс 201-це упражнениять. Сёрмадость валрисьмотнень. Эсост мусть наречиятнень и вельхксозост тяштезь няфтесть разрядонь лемть васенце букваса. Сембось шарьхкотьф? Кизефкст улихть? | |||||||||||
Тонафнихне: | Кизефкст аш. | |||||||||||
VII. Оценкань путомась | ||||||||||||
Тонафтысь: | Шабат, тячи покодеде лац. Путан сембонди цебярь оценкат. Уледа шумбрат! Васедемозонк! |
