“Билии күнэ”
Маҥнайгы кылааска билсиһии кылаас чааһа.
Оҕолоор, эһиги бүгүн Билии Дойдутугар Оскуолаҕа бастакыгытын үөрэнээччи диэн ааттанаҥҥыт кэлэн олороҕут. Бука барыгтын оскуола оҕото буолбуккутунан эҕэрдэлиибин. Мин эһиги учууталгыт буолабын. Аатым ___________. Мин эһигини ааҕарга, суруйарга, суоттуурга үөрэтиэм, элбэх саҥа билиини ыларгытыгар сирдьит буолуом. Үөрэх, билии ыларга биһиэхэ үтүө доҕоттор бааллар. Олору эһиги сорҕотун илдьэ кэллигит ( көрдөрөллөр), уонна саамай наадалаахтарбыт үөрэх кинигэлэрэ (көрдөрөбүн, дуоска иннигэр кэккэлэтэбин).
Оҕолоор, оскуолабыт, бу кылаас, кинигэлэр уонна мин эһигини олус долгуйа кэтэспиппит. Кимнэээх, хайдах оҕолор кэлэллэр диэн. Бүгүн көрөн мин олус үөрдүм, эчи кыраһыабайгытын, эйэҕэскитин, бэрээдэктээххитин, үөрэнэр баҕалаах оҕолор кэлбиттэр диэн. Бу кылаааска үөрэнэ кэлиэхтээх оҕолор ааккытын билэбин, ол эрэн саҥа бэйэҕитин көрдүм. Онон бары билсиһиэххэдиэн ыҥырабын.
Аптаах сибэкки биһиэхэ манна көмөлөһүө. (Түҥэтэбин, туох наадатын быһаарабын)
Сибэккибит хас эминньэхтээҕий? (6шт)
Бастакы аптаах эминньэх халлаан дьүһүнэ (халлаан күөҕэ өҥ). Бу эминньэх үөрэнээччи болҕомтолоох буолуохтааҕын бэлиэтиир. Болҕомтоҕо онньуу.
Сардаана сибэкки өҥө хайдаҕый? (кыһыл). Бу үөрэнээччи киэҥ билиилээх, ону- маны интириэһиргиир буолуохтааҕын бэлиэтиир. Таабырын таайтарыы.
Араҕас өҥү атыннык хайдах ааттыыбытый? (саһархай)Бу үөрэнээччи үлэһит, айымньылаах буолуохтааҕын бэлиэтиир хаачыстыбата. Тугу билэрин, сатыырын уруһуйдатыы (саамай сөбүлүүр буква, сыыппара)
Чэрэниилэ күөх дьүһүн (фиолетовай) Бу өҥ эһиги сымсаҕытын, хорсуҥҥутун бэлиэтиир. Оонньуу “Тугу ылыаҥ этэй?” (1 оҕо дуоскаҕа тахсар уонна оскуолаҕа үөрэнэ бараргар эн тугу ылыаҥ этэй).
Бу өҥ үөрэнэээччи эйэҕэс, сайаҕас майгытын көрдөрөр. Ханнык өҥүй? (От күөх). Мин этэн иһиэм, эһиги салҕаан бииэриҥ.
Сарсыарда көрсүбүт дьоҥҥор туох диэн этиэҥ этэй?
Тото- хана аһаатаххына поврдарга туох диэн этэбитий?
Сыыһаны, алҕаһы оҥордохпутуна туох диэн этэбитий?
Үөрэнэн бүтэн баран туох диэн этэбитий?
Оранжевай дьүһүн. Үөрэнээччи көрдөөх, бэһиэлэй буолуохтаах. Ырыаны, хоһоону билэҕит дуо?
Маладьыастар, бука бары оскуолаҕа үөрэнэргэ бэлэм эбиккит.
Сибэкки ортотугар бэриллибит төкүнүккэ бэйэлэрин ааттарын суруйаллар, биирдии- биирдии тахсан сыһыараллар. Учуутал “Паспорт первоклассника” туттарар.
Түмүк.Бу аптаах сибэккигит эһиэхэ көмөлөөх, туһалаах буоллун.Бу этиллибит үөрэнээччи бары хаачыстыбата үөрэнэргитигэр көмөлөстүн. Күн аайы үөрэнэргэ бэлэм кэлэргитин күүтэбин.
БОЛҔОМТОЛООХ
КИЭҤ
БИЛИИЛЭЭХ
ҮЛЭҺИТ
ХОРСУН
ЭЙЭҔЭС
КӨРДӨӨХ
