Тема: «8 предметэр үрдүктэринэн тэҥнээһин».
Сыала: Оҕолор 8 иһинэн холобурунан уонна истэн ааҕар үөрүйэхтэрин тупсарыы. 8 предметтар үрдүктэринэн тэҥниир, сааһылыыр дьоҕурдарын чиҥэтии. Тулалыыр эйгэттэн билэр геометрическай фигураларын (төгүрүк, түөрт муннук, үс муннук, овал) булларан салгыы үөрэтии.
Туттуллар тэриллэр: Араас үрдүктээх 8 мас, ахсаан матырыйааллара, геометрическай фигуралар ойуулара.
Дьарык хаамыыта:
Тэрээһин чааһа
– Биһиги ахсаан дойдутугар айанныахпыт. Бу дойдуга барыта бэрээдэктээх, барыта бэйэ-бэйэтигэр сөп түбэһэр буолуохтаах. Бэлэммит дуо?
Сүрүн чаас
1. Сорудах: «Истэн ааҕыы»
– Оҕолоор, хараххытын сабыҥ. Мин хаста таһыннарбын болҕойон истиҥ уонна эһиги оччо ахсааннаах счетнай палочка иннигитигэр ууруохтааххыт.
5-тэн 8-ка диэри араас ахсааннаахтык таһынабын. Оҕолор истэн ууран иһэллэр. Кэлин бэйэ-бэйэлэрин бэрэбиэркэлэһэллэр.
2. Сорудах: «Хайата үрдүгэй?» (8 маһы тэҥнээһин)
– Көрүҥ эрэ, биһиги иннибитигэр хас мас турарый? Ааҕыаҕыҥ эрэ (1-тэн 8-ка диэри).
– Бу мастар бары биир үрдүктээхтэр дуо? Суох. Билигин сорудах: бу мастары саамай намыһаҕыттан саамай үрдүгэр диэри ууруохха.
Оҕолор мастары үрдүктэринэн наардаан уураллар.
– Саамай намыһах мас хаһыс миэстэҕэ турарый?
– Саамай үрдүк мас хаһыс миэстэҕэ турарый?
– Бэһис мас алтыс мастан үрдүк дуу, намыһах дуу?»
Физминутка:
Сорудах: «Тулабытын көрүөҕүҥ» (Геометрическай фигуралар)
– Ахсаан дойдутугар барыта фигуралартан турар. Көрүҥ эрэ бу хос иһигэр туохтар баалларын.
– Төгүрүккэ майгынныыр туох баарый? (чаһы, түннүк сибэккитин иһитэ).
– Түөрт муннукка майгынныыр туох баарый? (дуоска, остуол, ичэр, түннүк)».
– Оҕолор фигуралары кытта тулалыыр предметтары майгыннаһыыларын булан этэллэр).
Түмүк чааһа
– Бүгүн биһиги хас ахсааҥҥа диэри аахтыбыт?
– Мастары хайдах наардаатыбыт? (үрдүктэринэн).
– Ханнык фигуралары хос иһигэр буллубут?
– Хайа сорудах эһиэхэ ордук интэриэһинэй этэй?
– Бары маладьыастаргыт, олус болҕомтолоохтук үлэлээтигит!
