В. Вольски "Паводка"

Этапы

Змест

1. Арганізацыйны момант

- За парты зноў паклікаў нас

Званок – жаўрук вясёлы.

Дзень добры, родны светлы клас!

Дзень добры, маці-школа!

2. Праверка хатняга задання

- Адкажыце, калі ласка, з якім творам вы пазнаеміліся на мінулым уроку? (“Вясна ідзе”)

- Хто яго аўтар? (Валерый Кастручын)

- Вам трэба было навучыцца выразна чытаць. Давайце зараз пачнем чытаць ланцужком.

(пасля настаўнік робіць заўвагі, выдзяляе лепшых чытальнікаў)

3. Паведамленне тэмы і пастаноўка вучэбных задач

- Дзеці, сення мы з вамі пазнаемімся з творчасцю Віталя Вольскага і з яго апавяданнем “Паводка”. А яшчэ мы навучымся выразна яго чытаць.

4. Падрыхтоўка да першаснага ўспрымання

- Сення, дзеці, мы з вамі працягнем знаеміцца з творамі раздзелу “Вясна, вясна жаданая!..” Як вы бачыце, пра гэту пару года можна гаварыць доўга і шмат, бо шматлікія паэты і пісьменнікі ўсхвалялі яе ў сваіх творах. А як вы лічыце, чаму? (адказы)

- Вясной прырода быццам бы нараджаецца зноў, прачынаецца ад доўгага зімовага сну. Звярніце увагу на дошку і паспрабуйце назваць прыкметы вясны, што вясной адбываецца такога, чаго не ўбачыш зімой?

- Як звяры сустракаюць вясну? Змяняецца нешта ў іх жыцці?

Абмеркаванне.

- Добра. Сення мы з вамі працягваем знаеміцца з творамі аб вясне. Але, перш чым мы пачнем чытаць, звернем сваю увагу на малюнак, размешчаны ў падручніку. Ці можна па малюнку вызначыць, аб чым пойдзе размова ў тэксце? Чаму? (адказы)

- Каб даведацца дакладней, аб чым будзе апавяданне, паслухайце і адгадайце загадку:

Растае ўжо белы снег,

Ну, мядзведзь, не пазяхай!

Бо вада ўжо з поўных рэк

Ільецца цераз край.

Можа затапіць бярлогу,

Нашу весачку, дарогу.

- Што гэта? (адказы)

- Так, гэта паводка. Вельмі часта жывелы пакутуюць ад паводак, якія руйнуюць іх жылле, і яны вымушаны шукаць які-небудзь астраўкі, каб схавацца.

- Каб вам поўнасцю быў зразумелы тэкст, давайце перад чытаннем растлумачым незразумелыя словы:

Паводка – паводок (рус.)

Раўчук – невялікая канаўка

Ратавацца – спасаться (рус.)

Грамадка – вялікая колькасць

Паўскакваюць – вскочат (рус.)

5. Першаснае ўспрыманне і праверка першаснага ўспрымання

- А зараз пачнем знаемства з творам. Слухайце ўважліва (настаўнік выразна чытае)

- Вось вы праслухалі апавяданне. Ці спадабалася ено вам? Чаму? (адказы)

- Якія пачуцці выклікала ў вас гэтае апавяданне? Чаму? (хваляванне, непакой)

- Якія карціны вы ўяўлялі сабе?

- Як паступілі б вы ў такой сітуацыі? (адказы)

6. Фізкультхвілінка

- Давайце крыху адпачнем. Устаньце, выйдзіце з-за парт:

Раз, два, тры, чатыры -

Зайчык вушы натапырыў.

Iдзе з лесу воўк, воўк,

I зубамi - шчоўк, шчоўк.

Мы схавалiся ў кусты:

Зайка, я, i ты, i ты.

Ты ж ваўчына, пачакай,

Як схаваемся - шукай!

- Сядайце. Працягнем наш урок.

7. Падрыхтоўка да паўторнага чытання

- А зараз, дзеці, каб навучыцца чытаць выразна і без памылак, давайце зробім моўную размінку.

- Мы з вамі чыталі тэкст пра жывел. Давайце цяпер вывучым скорагаворку пра пацешнага бабра. Звярніце ўвагу на дошку:

Гаспадарлівыбабёр

Па рацэ вярбіну пёр.

І бабрыха не драмала –

Побач з ім плыла-нырала.

Работа над скорагаворкай:

- Пра каго гаворка? Чытаем скорагаворку і з большай сілай голасу выдзяляем гэтае слова.

- Што ен пер па рацэ?(тое ж самае)

- Што рабіла бабрыха? (тое ж самае)

- Якім чынам плыла-нырала бабрыха? (тое ж самае)

- А зараз паспрабуйце, не гледзячы на дошку, у хуткім тэмпе прагаварыць нашу скорагаворку.

8. Паўторнае чытанне і аналіз

- Добра, цяпер усе падрыхтаваны да чытання. Прапаную чытаць па ланцужку па абзацах.

Чытанне дзяцей.

- Малайцы! Добра прачыталі. А зараз давайце абмяркуем прачытанае:

- Дзе адбываецца дзеянне?

- Што адбылося з рэкамі? Зачытайце.

- Чаму зайцы апынуліся на астраўку?

- Падумайце, чаму ліса не звяртала аніякай увагі на зайцоў?

- За каго вы непакоіліся больш за ўсе? Чаму?

- Чаму звяркоў на астраўку можна пабраць, нават, рукамі?

- Як чалавек выратаваў звяркоў?

- Як вы лічыце, як чалавек адносіцца да тых, хто апынуўся ў бядзе?

9. Заключная гутарка

- На сенняшнім уроку мы працягнулі знаемства з творамі пра вясну. Як вы лічыце, што хацеў аўтар сказаць сваім чытачам? (што жывелам трэба дапамагаць)

- Так, на самой справе, жывелы амаль увесь час маюць патрэбу ў дапамогі і падтрымцы чалавека. Як вы лічыце, што ен можа зрабіць, каб дапамагчы? (адказы)

- Але чалавек не так часта сустракаецца з дзікімі жывеламі, а вось птушак мы чуем кожны дзень. І яны таксама маюць патрэбу ў падтрымцы. Звярніце ўвагу на дошку. Якіх птушак мы бачым? Што робяць дзеці?

- А зараз, гледзячы на малюнак, паспрабуйце выказаць свае думкі па тэме: “Дапаможам птушкам”. Раскажыце, што чалавек можа зрабіць, каб падтрымаць іх.

Выказванні дзяцей.

10. Творчая праца

- Добра! Мы з вамі прачыталі тэкст. Давайце цяпер падзелім яго на часткі, згодна з планам, размешчаным на старонцы 80 падручніка.

- Чытаем першы пункт. Якая частка тэкста адпавядае такой назве?

- Другі пункт. Якая частка тэкста адпавядае гэтай назве?

- Трэці пункт. Якая частка тэкста засталася?

- А зараз паспрабуем пераказаць тэкст сваімі словамі, прытрымліваючыся дадзенага плана.

11. Вынікі ўрока

- Дзеці, скажыце калі ласка, ці ведаеце вы, пра каго гавораць “Браты нашы меншыя”?

- Так, пра жывел. А чаму іх называюць менавіта так? Падумайце.

Разважанні дзяцей

12. Д/З

- Вашым хатнім заданнем будзе выразнае чытанне апавядання і падрабязны пераказ, выкарыстоўваючы словы і выразы з тэксту.

- Усем дзякуй! Да пабачэння!