Мама для ребенка -это...(Мад хъабулан у...)

Урочы темæ: «Мад хъæбулæн у…"

Грамматикон темæ: Дзырды хæйттæ фæлхат кæнын

2. Ахуыр кæнын хибарæй хъуыды кæнын, кæрæдзийы куыстæн аргъ кæнын;

3. Разæнгард кæнын мадæлон æвзаг ахуыр кæнынмæ;

4. Хъомыладон куыст бакæнын.Мадмæ уарзондзинады æнкъарæнтæ арфдæр кæнын. Джеоргуыбайы бæрæгбоныл æрдзуырын

Урочы фæлгонц: 3 кьласы ирон æвзаджы чиныг, компьютер, интерактивон фæйнæг.

Урочы цыд.

Бацæттæгæнæн рæстæг.

Уæ бон хорз, сывæллæттæ. Абон нæм хуымæтæджы урок нæй, æрбацыдысты нæм уазджытæ, салам сын раттæм. Кæрæдзимæ бахудæм, хъазгæ - худгæйæ равдисæм нæ зонындзинæдтæ.

Мотивацион хай.

Равдисын мульткиноныв «Мады фарн».

- Сывæллæттæ, бакæсут-ма ацы мульткинонывмæ æмæ зæгъут, кæй тыххæй у ацы ныв? 1 слайд

(дзуапп: мады тыххæй)

3 Рацыд æрмæг фæлхат кæнын

Раттын алы къордан дар хицæн скъуыддзаг зарæджы текстæй (1 куплет базардимæ). Сæвæрын сын сæ разы хæс: баххæст кæнут, зарæджы тексты бындурыл уæм цы ассоциацитæ, æнкъарæнтæ æвзæры мад æмæ хъæбулы тыххæй, уый æвдисæг дзырдтæй уæ разы æвæрд таблицæтæ. Спайда кæнут æххуысгæнæн æрмæгæй дæр.

1 КУПЛЕТ:

Райсомæй дæ фæлмæн къухты

Хуры тынтæ хъазынц.

Байхъусын дæ рæсугъд зардмæ

Булæмæргътæ уарзынц.

БАЗАРД:

Мæ ныййарæг, мæ сызгъæрин,

Мæ рæсугъд мад, мæ зæрдæ.

Æз афæдзмæ куы нæ фæуин

Нымад дæуæн дæ хæрзтæ!

2 КУПЛЕТ:

Стъалыйау дæ мидбылхудтæй

Дун-дуне æрттивы.

Хъæлдзæгæй дæ цæстæнгасæй

Цард хуыздæрмæ ивы.

БАЗАРД:

Мæ ныййарæг, мæ сызгъæрин,

Мæ рæсугъд мад, мæ зæрдæ.

Æз афæдзмæ куы нæ фæуин

Нымад дæуæн дæ хæрзтæ!

3 КУПЛЕТ:

Адджынæй дæ хъарм хъæбысы

Æз æхсæвæй бонмæ

Хорз фынтæ уыдтон æнæмæт,

Æз кæсын дæ коммæ!

БАЗАРД:

Мæ ныййарæг, мæ сызгъæрин,

Мæ рæсугъд мад, мæ зæрдæ.

Æз афæдзмæ куы нæ фæуин

Нымад дæуæн дæ хæрзтæ!

Æххуысгæнæн æрмæг: ныййарæг, сызгъæрин, хуры тын, зæрдæйы уидаг, стъалы, цин.

Дзуапп:

Фарст:

-Уæдæ мад хъæбулæн чи у? 2 слайд

- Сызгъæрин, стьалы, ныййарæг. Бафыссын дзырдтæ фæйнæгыл

-Хъæбул - та мадæн?

-Дзуæппыта: хуры тын, цин, йæ зæрдæйы уидаг.

Фарст

- Зæгъут-ма, уидаг ма ноджыдæр цæмæн вæййы?

(дзуапп: бæласæн, адæмæн, дзырдæн).

- Æрбакæсут-ма фæйнæгмæ. Бæрæггонд дзырдтæн цы ис иумæйагæй? 3 слайд

1 къордæн:

Райсомæй дæ фæлмæн къухты

Хуры тынтæ хъазынц.

Байхъусын дæ рæсугъд зардмæ

Булæмæргътæ уарзынц.

2 къордæн:

Мæ ныййарæг, мæ сызгъæрин,

Мæ рæсугъд мад, мæ зæрдæ.

Æз афæдзмæ куы нæ фæуин

Нымад дæуæн дæ хæрзтæ!

3 къордæн:

Адджынæй дæ хъарм хъæбысы

Æз æхсæвæй бонмæ

Хорз фынтæ уыдтон æнæмæт,

Æз кæсын дæ коммæ!

Дзуапп

-Алы дзырды дæр ис

- ᴖ˄□

Тексттæ раттын алы къордæн дæр.

- Куыд уæм кæсы, цæуыл дзурдзыстæм абон нæ урочы?

(Дзуапп: дзырды хæйттыл, мады тыххæй)

- Уырыссагау та сæ куыд хонæм?

- Раст, абон нæ зæрдыл æрлæууын кæндзыстæм дзырды хæйтты нысаниуæг, мады хъарм æмæ фæлмæндзинад æнкъаргæйæ.

-Афыссæм ма уæдæ нæ тетрæдты абоны нымæц æмæ къласы куыст.

-Цæмæ хонæм ацы мæй афтæ? 4 слайд

(Сывæллæтты дзуæппытæ).

-Рафысут дзырдтæ уæ тетрæдтæм, ( 2 слайд) равзарут дзырдтæ дзырды хæйттæм гæсгæ.

Улæфты рæстæг. (Релаксаци) 5 слайд

Чи йæ бакæсдзæн æнæ рæдыдæй?

Арсимæ æз хъазын,

Абадти мæ базыл.

Арс йæ лæппынимæ хъазы,

Атылд пуртийау йæ разы.

-Ссарут, æрмæст уидаг æмæ кæрон кæм æмбæлы, уыцы дзырдтæ

Арсимæ

пуртийау

базыл.

лæппынимæ

-Æрмæст уидаг та? (Сывæллæттæ иумæйагæй кусынц, дзургæйæ)

Арс

æз

- Бакæсæм ма нæ интерактивон фæйнæгмæ. Дзырды хæйттæ фæхыл сты, раст уагыл сæ сæвæрут (6 слайд)

булæ мæргъ т æ ад джын æйбон мæ

хæрз т æ фын т æ

Сывæллæттæ интерактивон фæйнæгыл аразынц дзырдбæстытæ слайд

Чиныгимæ куыст (7 слайд)

-Байгом кæнæм нæ чингуытæ 55 фарсыл æмæ ссарæм 5 фæлтæрæн. Рафыссут æй. Бæрæггонд дзырдты рахицæн кæнут дзырды хæйттæ.

Адæмæн зæхх у сæ дарæг. Хур хæхты фæстæмæ фæцæуы, фæлæ ма йæ тынтæй рæвдауы зæхх. Хъызт зымæг райдыдта, æмæ хуры хъарм тынтæ нал тавынц зæхх.

Ахуыргæнæджы беседæ.

- Мады тыххæй бирæ ис дзурæн, иу ахæм адæймаг дæр нæ разындзæн мадæн стыр аргъ чи нæ кæны. Байхъусут - ма Хъесаты Валодяйы хъуыдытæм дæр. (8 слайд)

Цы ис зынаргъдæр, ад . . ындæр мады хъæлæсæй, мады . взагæй? Уыдон адæймагæн йæ райгуырæн бонæй суанг йæ царды кæронмæ æнæсцухæй йемæ вæ . . ынц.

Хæс:

-Æбакæсут-ма фæйнæгмæ,ацы дзырд цавæр дамгъæ фесæфта?

дж - ч

æ - ы

йй - й

IV. Урочы хатдзæгтæ.

1. Беседæ

-Цавæр æрмæг сфæлхат кодтам абон?

Дзуапп:

-Фæлхат кодтам дзырды хæйттæ, мад æмæ хъæбулы ахастытæ

Сывæллæттæ кæнынц хатдзæгтæ

-Смахмæ гæсгæ чи хуыздæр бакуыста уæ къорды?

Дзуапп дæтты иу скъоладзау.

-Мæнмæ гæсгæ…

-Чысыл цауддæр та ?

Ахуыргæнæг фæрсы скъоладзауты

Рефлекси (9 слайд)

-Худындзæгты 'руаджы равдисут уæ ахæст абоны урокмæ.

Фæцыд уæ зæрдæмæ æви, нæ фæцыд?

Хæдзармæ куыст (10 слайд) 55фарс,

хæдзармæ куысты нысан кæм ис, уый.