Кичәлин төр: «Өдрин туршарт ю кенәч?»
Мендллһн: Мендвт күүкд, ода фонозарядк кеһәд, хамдан цогцан батлый.
Фонозарядк: 1 мин. (слайд)
Һ- Һәрә, һар, һаза һалун һалд һәрәдҗәнә.
Җ- Җааҗа җаал җаҗлҗана, Җииҗә җирмәхә җаҗлҗана.
Ң – Аңга аңгасн аң аңнад миңһн мөңгн шиңгәҗ.
Ө- Өлзәт өргә өдмг өрг.
Ә – Әәмтхә әәмшгәс әвр әәнә.
Ү- Нүүдлән үүрмүд үүрмг үүл үзәд гүүлднә.
- Суутн, күүкд! Эндр кичәл – ил кичәл болҗана, тиигәд маднд дала гиичнрирҗ, тадн күүкд бичә эмәтн кичәлдән сәәнәр көдлтн! Түрүләд бийдән эн кичәлд күцл тәвтн:
Би улм сәәнәр хальмгар умшхар седҗәнәв.
Би сәәнәр хальмгаһар келхәр седҗәнәв.
Би сәәнәр хальмг үгмүд тодлҗ авхар седҗәнәв.
Би шин хальмг үгмүд медҗ авхар седҗәнәв.
Ода самбрт хәләһәд хамдан келий! (слайд)
Дассан давтлhн:
- Чини нерн кемб?
- Чи кедүтәвч?
- Чи ямаран бәәнәч?
- Чи альдасвч?
- Чи альд сурһуль сурнач? (Би Хальмг келн улсин гимназьд сурнав)
- Чи эндр юуһар ирвч?
- Чи кедүдгч класст сурнач?
- Чини дурта кичәл ямаран?
- Ода ямаран җилин цаг?
- Чини дурта җилин цаг ямаран? Юӊгад?
- Ода ямаран сар?
- Эндрк өдрин то ямаран?
- Эндр ямаран долан хонгин өдр?
- Өцклдүр ямаран өдр билә?
- Маңһдур ямаран өдр болх?
- Терзд хәләһәд, эндрк өдрин теӊгрин бәәдл ямаран?
Кичәлин төр: - Ода күүкд самбрт хәләһәд, келҗ өгтн.(слайд)
-Эн көвүн ю кәҗәнә?
- Чи шүдән цеврлнәч?
- Эн күүкн ю кәҗәнә?
- Кедү часла өрүни хотан идҗәнә?
- Эн бичкдүд ю кәҗәнә?
- Чи наадхдан дуртавч?
- Эн көвүн ю кәҗәнә?
- Чи кедү часла герин даалһвран кенәч?
- Тиигәд, күүкд, ухалад келтн эндрк кичәлин төр ямаран болх?
(Эндрк кичәлин төр Өдрин туршарт ю кенәч? гиҗ би ухалҗанав).
- Чик, мадн эндр цааранднь Өдрин туршарт ю кенәч гидг төрәр көдлхм. (слайд)
Түрүләд герин даалһвран шүүхмн.
Эн зургт кен зурата? Чик, Герлә.
Гертән тадн Герлән өрүни тускар зәңгс дасх зөвтә биләт. Нә ода неҗәдәр дару даранднь самбрт һарад, зург авад, цагла чикәр ирлцүләд, Герлән өрүни тускар келҗ өгтн.
Шин төр:
- Эн кемб? Чик, Өлзәтә. (слайд)Эндр мадн таднла Өлзәтин нег өдрлә таньлдхм.
Ода, күүкд, дегтрән хөрн нәәмдгч халхд сектн, хойрдгч даалһвран күцәхм. Түрүләд, би таднд келвр умшнав, тадн оньган өгәд соӊгстн.
Багшин умшлһн
Толин көдлмш. Эн текстд шин үгмүд бәәнә. Тодлҗ авхм. Шин үгмүд самбрт бичәтә бәәнә. Нааран хәләтн. Умштн , медҗ автн. (слайд)
Сурһульчнрин 1-гч тасрхан умшлһн, орчуллһн. Ода болхла тадн неҗәдәр, дару-даранднь нег зәңг умшад, орс келнд орчултн. Түрүләд негдгч тасрха умшхм.
1-гч тасрхан батллһн. Работа по 1 абзацу. Закрепление по слайдам (схемы)
Схемәр көдллһн. (на слайдах) Күүкд, ода 1-гч тасрхаг батлхм.
Өлзәт кезә сернә? Ээҗтәһән ю ууна? Дарунь ю кенә? Кедү часла школурн йовна? Түрүн кичәл кезә эклнә?
Күүкд бостн, ода невчк амрхм.
Физминутк(слайд)
Би өрүн эрт боснав,
Сальквч секәд, зарядк кенәв.
Нүүрән уһаһад, шүдән цеврлнәв,
Һаран арчад, хотан уунав,
Хувцан өмсәд, дорваһан авнав,
Гертәсн һарад, сурһульдан йовнав.
Сурһульчнрин 2-гч тасрхан умшлһн, орчуллһн. Цааранднь умшхм.
2-гч тасрхан батллһн.Работа по 2 абзацу. Закрепление – ответы на вопросы учителя.
Ода күүкд, 2-гч тасрхаг батлхм. Сурврт хәрү өгтн. (слайд)
Кезә Өлзәт герүрн хәрнә? Кедү часла? Гертнь кен бәәнә? Эк – эцк альд бәәнә? Эдн кедү часла герүрн ирнә? Эдн хамдан ю кенә?
Бичкдүд, тана ширә деербәәсн зургуд авад хәләтн. Би таднд зәңгс умшнав, тадн оньган өгәд соңһстн, юуна тускар келгдҗәхинь сәәнәр ухалтн. Мини келсн зәңгслә зургуд ирлцүләд үзүлтн, деегшән өргтн.
Школын хөөн өрәл негнлә герүрн хәрнәв. (слайд)Ээҗ гертән бәәнә. (слайд)Эк-эцкм көдлмштән. (слайд)Эдн нег часла герүрн ирнә. (слайд) Мадн хамдан үдин хотан иднәвидн. (слайд)
Сурһульчнрин 3-гч тасрхан умшлһн, орчуллһн. Цааранднь умшхм.
3-гч тасрхан батллһн. Работа по 3 абзацу
Күүкд, ода болхла би таднд зургуд болн цаг медүлҗәх үгмүд өгнәв, тадн зургуд үгмүдлә чикәр ирлцүлтн. Эврәннь хоша олад, зәңгс тогтатн.
Соотнести. Детям раздать карточки и предложения. Найдите пару. Читают полученные предложения.
Үдин хөөн – картинка, асхни хотын хөөн – картинка, 16.00 – картинка, 22.00 – картинка.
Цуг келврин батллһн.Закрепление всего текста. Раздать картинки, дети должны встать в правильной последовательности.
Ода күүкд эн келврән батлхм. Мини ширә деер зургуд бәәнә. Та, һарад, таасгдсн зург авад, дару-даранднь чикәр зогсад, зәңгс келҗ өгтн.
Герин даалһвр.
Күүкд, тадн кичәлд келвр сәәнәр умшвт, Өлзәтин өдрин тускар чикәр келҗ өгвт, тиигәд гертән эврәннь нег өдрин тускар келвр тогтаһад бичтн.
Рефлексия
Эндрк мана кичәлд таднд соньн болсн болхла, тадн сәәнәр көдлсн болхла Өлзәтин диг-даран таднд таасгдсн болхла улан өңгтә зүркн авад, эн Өлзәтин зургин өөр өлгтн.
Эндрк кичәлд күнд болсн болхла, тадн муурсн болхла оошк өңгтә зүркн авад, өлгтн.
Темдг тәвлһн.
Оо, күүкд, эндр кичәлд тадн цугтан сәәнәр көдлвт, байрта бәәнәт. Би бас байрта бәәнәв, таднд ханлтан өргҗәнәв, тиигәд би цуг таднд «тавн»- гидг темдг тәвҗәнәв.
Белгүд белглһн. Мана кичәлд ирсн гиичнрт би бас ханлтан өргҗәнәв. Хальмг авъясар ирсн гиичиг хоосн һарар һарһдм биш, тиигәд, күндтә гиичнр, таднд мана бичкдүд бичкн белгән белглҗәнә.
.png)
